BALLEMATICA Organa

BALLEMATICA Organa
Graece Βαλληματικὰ, apud Isidorum, sunt quae percutiuntur, ut cymbala, tympana et reliqua huiusmodi:
Originum l. 3. c. 21. Cymbala et acetabula quaedam sunt, quae percussainvicem se tangunt et sonum faciunt. Dicta autem cymbala, quod cum ballematiis simul percutiuntur. Ita enim Graeci dicunt cymbala ballematica. Sed fallitur more suô bonus Isidorus, ait Salmas. cui Ballematia sunt saltationes, et ballematica cymbala, non quia percutiantur, sic dicta sunt, sed quia ad eorum sonitum saltetur; adeoque saltatoria. Βαλλέω pro Βάλλω Graeci dixerunt, Aristophanes, Καὶ λίςθοις βαλλήσομεν, et lapidibus iaciemus: hinc βάλλημα et βαλλημάτιον, idem omnino quod βαλλῶ. Nam βαλλεῖν idem quod βαλλίζειν et ad illo βαλλῶ Latinum est ballo, i. e. salto, et ballationes, h. e. saltationes. Isidor. in Gloss. Ballematia, inhonestae cantationes et carmina iocaque turpia. Ubi Ballematia et Ballistia idem omnino sunt, choreae scil. vel cantilenae, ad quas saltatur: cuiusmodi Ballematia in Sanctorum Natalitiis interdicuntur, in Concilio Toletano. Sic in Concilio Laodiceno, βαλλίζειν ἢ ὀρχεῖςθαι sic iuncta sunt, ut apud Vopisc. in Aureliano, c. 6. Ballistaia et Saltatiunculae. Nempe, uti Vopiscus hîc saltatiunculas addidisse videtur, ut Ballistia explicaret: ita Patres Concilii Laodicenti ὀρχεῖςθαι adiecerunt, quo vocem illam vulgarem βαλλίζειν exponerent, vide infra.

Hofmann J. Lexicon universale. 1698.

Share the article and excerpts

Direct link
Do a right-click on the link above
and select “Copy Link”

We are using cookies for the best presentation of our site. Continuing to use this site, you agree with this.